Keleng Ate Nampati Teman
Teks: Heber 6: 7-12
6:7 Sebab tanah yang menghisap air hujan yang sering turun ke atasnya, dan yang menghasilkan tumbuh-tumbuhan yang berguna bagi mereka yang mengerjakannya, menerima berkat dari Allah;
6:8 tetapi jikalau tanah itu menghasilkan semak duri dan rumput duri, tidaklah ia berguna dan sudah dekat pada kutuk, yang berakhir dengan pembakaran.Berpegang teguh pada pengharapan
6:9 Tetapi, hai saudara-saudaraku yang kekasih, sekalipun kami berkata demikian tentang kamu, kami yakin, bahwa kamu memiliki sesuatu yang lebih baik, yang mengandung keselamatan.
6:10 Sebab Allah bukan tidak adil, sehingga Ia lupa akan pekerjaanmu dan kasihmu yang kamu tunjukkan terhadap nama-Nya oleh pelayanan kamu kepada orang-orang kudus, yang masih kamu lakukan sampai sekarang.
6:11 Tetapi kami ingin, supaya kamu masing-masing menunjukkan kesungguhan yang sama untuk menjadikan pengharapanmu suatu milik yang pasti, sampai pada akhirnya,
6:12 agar kamu jangan menjadi lamban, tetapi menjadi penurut-penurut mereka yang oleh iman dan kesabaran mendapat bagian dalam apa yang dijanjikan Allah.
Tema: Keleng Ate Nampati Teman
Tujuan: Gelah Mamre:
- Meteh maka Dibata erkeleng ate man kalak si ncidahken penampat man temanna
- Tetap ergiah giah ibas nampati temanna gelah ialokenndu kai siipadanken Dibata.
KATA PENARUH
Nampati eme panggilen ras identitas geluh kalak sierkiniteken. Sebab nampati seri ras ngelai seri ras mengasihi (mengasih) eme kegenapen kerina hukum ibas Pustaka Si Badia, kelengi temanndu bagi dirindu jine ras kelengi Tuhan Dibatandu (Mat. 22: 37-40). Emaka kalak Kristen si langa seh ku kelas sibagenda, e tandana langa dewasa, minem susu denga bagi anak anak, simeriah akapna erdebat kerna perdalanen kebaktian, seragam, pakaian jabaten, aturen aturen pelaksanan ibadah, ise simbelin ise sikitik, rsdna (heber 5: 11-14; 6: 1-2). Ibas bahan PA nta sendah si pelajari me kerna erti pentingna nampati enda gelah Mamre semangat muat bagin ibas program si sipatna nampati, umpamana program Beasiswa Mamre rsdna.
URAIAN TEKS
- Alamat surat enda ibas ay. 4-6 nina: sienggo nggeluh bas terang Dibata, enggo iakapina uga tabehna pemere Dibata, dingen ialokenna baginna ibas pemere Kesah Si Badia nari. Enggo inanamina maka Kata Dibata mehuli, janah enggo igejapna kerna kuasa jaman si reh pagin. Kalak enda nggejapken pasu-pasu ras keleng ate Dibata. Kalak enda labo kalak sila erkiniteken, labo palsu sebab enggo inanamina pasu-pasu selaku pengikut Kristus.
Jadi penulis tuhu tuhu ngerana man kalak sierkiniteken (orang dalam gereja) gelah ola sempat murtat bagi piga-piga kalak si enggo ngenanami perkuah ate Dibata (ay.6). Sura-surana eme gelah perpulungen e maju menuju kedewasaan, sebab sulit kel mereken pengajaren man bana erkiteken ibas kai pe melet ia ngangkasa ras kisat erlajar ras tetap denga minem susu bagi anak-anak si la ngasup mbedaken si benar ras jahat ras lalap berkutat ibas pelajaren pelajaren pemena eme kerna aturen seremonial, dokma, rsd (5:11,13; 6: 1-2). Sementara siutama ibas erkiniteken eme aksi pelayanen (perbahanen) eme si icidahken arah nampati teman langa jadi perhatianna (ay 10). Padahal eme perbahanen simehuli (sierguna) si ipasu-pasu Dibata, sebalikna si la mehuli, si la erguna isumpahi Dibata janah iciluk ku bas api (7-8). Intina eme kalak sierkiniteken icidahkenna min kinitekenna arah nggit nampati temanna, eme isi kiniteken.
- Alasen penulis maka nampati teman eme tanda ngkelengi la:
- Ay 7: Desken taneh singaloken udan si mpeturah sinuan-sinuan sierguna man manusia, eme si ipasu-pasu Tuhan. Berarti si la erguna man manusia labo ipasu-pasuNa desken taneh si peturah dukut-dukut si nuhsahi kerina jelma ngenca, justru isumpahi ras itutung Dibata ku bas api.
- Ay.10: Dibata bujur ras adil, labo ilupakenna dahin sienggo idahikenndu. Ertina Tuhan mereken pasu-pasu ras padan keselamaten man kalak sierkiniteken sentudu ras perbahanenna eme nampati temanna.
Intina eme gelah perpulungen e nggit nampati alu ergiah-giah sebab eme tugas panggilenna, gelah ia sangap ras ndatken si ipadanken Dibata eme keselamaten (ay.12).
PENGKENAINA
Dewasa erkiniteken e me melumbar nampati teman, sabap guna si e me kita idilo ngikutken Jesus. Mamre idilo desken taneh singaloken udan si mpeturah sinuan si mehuli, erguna man ise pe, labo bagi taneh si mpeturah dukut-dukut ras rih si la erguna si nuhsahi kerina jelma.
Erteremna jelma tersampat erkiteken Mamre maka reh nahangna baban geluh teman siisampati e. Nina Tuhan Jesus ibas Matius 25: 29: “Sebab man kalak si lit ibereken tole gelah idatna lebih asa cukup, tapi kalak si la lit ibas ia, si lit sitik ibas ia e pe ibuat ibas ia nari.” Bagepe si mbue ngerdangken benih mbue ka iperanina…( 2 Kor.9: 6-7).
E maka arah litna program Mamre GBKP ngelitken beasiswa guna anak-anakta si kuliah si man sampaten. Sue tema-ta Mamre banci erguna ras ernanam man kalak si deban. E maka mari si lumbaken pelayanen-pelayanen diakoni si terbelinen seh gelah Mamre tuhu tuhu jadi alat Dibata guna nampati. Selamat erdiakonia…amin
DISKUSI
- Turiken pengangkanta kerna makna “Nampati Teman” erpalasken ayat 8-10.
- Kai saja aksi terbelinen sibanci silakoken guna mpebelin (mengembangkan) program Diakonia Mamre GBKP, khususna “Program Beasiswa Mamre” gelah banci erbuena si sampati anak-anakta ibas pendidikenna.
Usulen Lagu
- KEE GBKP No. 197: 1,3;
- KEE GBKP No. 256: 1,4;
- KEE GBKP No. 276:1-2
- KEE GBKP No. 254: 1- persembahen
Pdt.